Sunday, December 27, 2015

ഡിസംബര്‍


മഞ്ഞുമഴ പുലര്‍വണ്ടിയേറി 
വന്നിറങ്ങുന്നു പൂവിന്‍ നെറുകയില്‍

ചില്ലുവെയിലേറ്റ് തളര്‍ന്നയിതളുകള്‍ 
മഞ്ഞുവിരല്‍ തൊട്ടുമീട്ടുമ്പോള്‍

പൊട്ടി വിടരാനൊരുങ്ങി തണ്ടുകള്‍നീളെ
മൊട്ടുകള്‍ ഹായ്, പൂവിന്‍ കുരുന്നുകള്‍ 

പൊട്ടി വിടരാനൊരുങ്ങിയുറങ്ങുന്ന 
മൊട്ടുകളുണരുന്നു തണ്ടുകള്‍ക്കുള്ളിലും

മഞ്ഞുമഴയുടെ പുലര്‍വണ്ടിയെത്തുമ്പോള്‍
തണ്ടിലപ്പാടെ പൂവുകള്‍ പൂവുകള്‍
ചില്ലുവെയിലിനു നേരെ വിടര്‍ത്തുന്നു
മഞ്ഞുകാലത്തിന്‍ മണമുള്ള പൂവുകള്‍

1 comment: